Gazetari dhe opinionisti i njohur Frrok Çupi ka dërguar përballë drejtësisë një shpifjeje të rëndë publike, që sipas tij ka ndodhur në një nga ekranet më të mëdha të vendit, Top Channel, përballë Grida Dumës.
Më 11 qershor 2025, Çupi ka depozituar kallëzim penal në Gjykatë ndaj Ilir Demalias, pas një sulmi të hapur verbal në emisionin “Top Story”.
Sipas dokumenteve të kallëzimit, në fillim të marsit 2025, në një debat në “Top Story”, i ftuari Ilir Demalia, e ka etiketuar Çupin si ‘spiun të komunizmit me pseudonimin Llulla’, dhe e ka quajtur “këllirë që del ekran më ekran”.
Vetë Frrok Çupi ka sqaruar se padia bazohet mbi Kodit Penal të Republikës së Shqipërisë, neni 120/1 për fyerjen publike dhe neni 11/2 për shpifjen me dashje. Ai kërkon ndëshkim penal për Ilir Demalian, për:
• Fyerje publike me terma poshtërues (“këllirë”)
• Shpifje publike me përmbajtje të pavërtetë (duke e quajtur “spiun i Sigurimit”)
• Etiketim me pseudonim të sajuar (emri “Llulla”) – pa asnjë fakt, dokument apo vendim zyrtar
Frrok Çupi është shprehur se ky sulm ka qenë i paramenduar dhe i koordinuar, madje nga e njëjta studio ku më herët edhe vetë Grida Duma e ka sulmuar në të njëjtën mënyrë.
“Media angazhon një panel të tërë për të shpifur kundër një njeriu që nuk është i pranishëm. Nuk më dhanë as të drejtën e fjalës, as të drejtën e mbrojtjes. Ky është sulm, jo gazetari!”, është shprehur ai.
