Një aksident me pasojë vdekjen ka ndodhur mesditën e sotme në aksin rrugor Qukës-Prrenjas. Siç bën me dije policia, automjeti i P.K., 62 vjeç, ka përplasur për vdekje një të moshuar 70-vjeçare.
Drejtuesi i mjetit u shoqërua në komisariat për hetime të mëtejshme mbi ngjarjen e rëndë që i mori jetën F.M., 70 vjeçe.
Ndërkohë vijon puna për zbardhjen e plotë të aksidentit në vendin e ngjarjes.
Njoftimi i policisë:
Prrenjas/Informacion paraprak
Rreth orës 12:10, në aksin rrugor “Qukës-Prrenjas”, dyshohet se automjeti me drejtues shtetasin P. K., 62 vjeç, ka aksidentuar shtetasen F. M., rreth 70 vjeçe, këmbësore, e cila për pasojë ka humbur jetën.
Shtetasi P. K. u shoqërua në komisariat, për kryerjen e veprimeve të mëtejshme.
Grupi hetimor po punon për zbardhjen e rrethanave të aksidentit.
