Kroçera “National Geographic Orion” është ankoruar sot për herë të parë në Portin e Durrësit.
Përmes një postimi në rrjetin social Facebook, kryeministri Edi Rama bën me dije se kroçera sjellë në Shqipëri 108 turistë amerikanë.
Shqipëria është përfshirë për herë të parë në këtë linjë prestigjioze që përshkon Greqinë, Shqipërinë dhe Kroacinë, njofton kryeministri, teksa thekson se kjo linjë e re turist sjellë vëmendjen ndërkombëtare mbi destinacionet tona historike dhe natyrore.
Postimi i plotë:
Një linjë e re turistike për Shqipërinë
“National Geographic Orion” akostohet për herë të parë në Portin Durrës me 108 turistë amerikanë. Shqipëria është përfshirë për herë të parë në këtë linjë prestigjioze që përshkon Greqinë, Shqipërinë dhe Kroacinë, duke sjellë vëmendjen ndërkombëtare mbi destinacionet tona historike dhe natyrore.
