Vijon me ritme të larta puna për ndërtimin e parkingut nëntokësor me dy kate dhe kapacitet prej 210 vendesh parkimi në sheshin “Avni Rustemi”. Projekti është pjesë e transformimit të kësaj zone në një destinacion modern për qytetarët dhe turistët.
Kryebashkiaku Erion Veliaj ka ndarë pamjet nga punimet për Parkingun e ri i cili jo vetëm që do të lehtësojë ndjeshëm qarkullimin dhe problemin e parkimit në një nga zonat më të frekuentuara të kryeqytetit, por do të integrohet edhe me rivitalizimin e Pazarit të Ri, i cili tashmë është shndërruar në një nga pikat më të gjalla kulturore, tregtare dhe turistike të Tiranës.
“Vijon puna për 🅿️arkingun nëntokesor me dy kate dhe 210 vende parkimi te 📍 sheshi “Avni Rustemi”, i cili po transformohet në një destinacion për qytetarët dhe turistët 🚶🏻♀️, duke iu shtuar rivitalizimit të zonës së 📍 Pazarit të Ri, një nga hapësirat më të frekuentuara sot në qytet”, shkruan kryebashkiaku Erion Veliaj.
