Tirana, prej vitesh, ka bërë pjesë të hartës së saj emra personalitetesh që kanë kontribuar në mënyrë domethënëse në shoqëri. Në një postim të fundit në rrjetet sociale, kryetari i Bashkisë së Tiranës, Erion Veliaj, ka ndarë momente nga ceremonitë që janë zhvilluar ndër vite për vendosjen e emrave të personaliteteve në rrugët e kryeqytetit.
Për Veliajn, këto janë akte simbolike që shërbejnë jo vetëm si falënderim për të shkuarën, por edhe si kujtesë për të rinjtë.
“Tirana ka ditur gjithmonë t’i nderojë ata që kanë bërë e dhënë shumë për qytetin. Dhe për t’u shprehur mirënjohjen dhjetra e dhjetra personaliteteve shqiptare, të cilët e kanë lidhur një moment të jetës së tyre me Tiranën, ngritëm një komision për vendosjen e emrave në rrugët e qytetit, si një mënyrë falenderimi për ta, por edhe si një kujtesë për brezin e ardhshëm. Janë këto gjeste që e bëjnë Tiranën me zemër të madhe”, shkruan Veliaj.
