Në zonën e Mëzezit në Tiranë po ngrihet një institut i ri i specializuar për edukimin dhe rehabilitimin e të miturve në konflikt me ligjin.
Ministri i Drejtësisë, Ulsi Manja, vizitoi sot vendin ku do të ndërtohet ky institucion modern, duke theksuar rëndësinë që ka ky projekt për trajtimin e të miturve jo thjesht përmes ndëshkimit, por me fokus tek edukimi, riedukimi dhe integrimi i tyre në shoqëri.
Ai deklaroi se ky institut që po ngrihet, është e vetmja e këtij lloji në rajon dhe e dyta në Evropë, pas Francës, modeli i së cilës do ndiqet. Manja theksoi se aty do vijnë ata të mitur me probleme me ligjin, për t’u shkolluar dhe diplomuar njëlloj si bashkëmoshatarët e tyre.
Manja: Do jetë dhe një institut edhe të miturit që kanë kryer vepër penale, por nuk kanë mbushur moshën për vepër penale. Është e vetmja e llojit të vet në rajon, në Europë e ka vetëm Franca. Ky është një instituti ku të miturit do vijnë të shkollohen njëlloj si bashkëmoshatarët e tyre dhe do diplomohen dhe do jenë gati për t’iu dhënë shoqërisë.
