Jonidi, një emër i njohur në fushën e aktivizmit për personat me aftësi të kufizuara, ka një histori që frymëzon. Ai tregon se hapat e tij të parë drejt dijes filluan në Institutin e të Verbërve, një vend që për të ofroi mundësi të mëdha. “Ishte një strukturë e fortë që më ndihmoi të ecja përpara,” thotë ai, me një ndjenjë nostalgjie për ato ditë. “Sot, ndjej keqardhje që situata nuk është si më parë.”
Angazhimi i tij në shkenca politike erdhi natyrshëm, ndoshta për shkak të pasionit të tij të fëmijërisë. “Nëse do të kthehesha, ndoshta do të bëja ndryshe, por tani qw e mendoj thellw thellw besoj se do të zgjidhja të njëjtën rrugë,” thekson ai. Jonidi e sheh angazhimin si një mundësi për të kontribuar në jetët e të tjerëve.
Krijimi i forumit studentor në Tiranë ishte një pikë kthese për të. “Filloi me një grup të vogël miqsh dhe arritëm të mbajmë kongrese me 50 pjesëmarrës,” thotë ai me krenari. Sfidat gjatë këtij rrugëtimi kanë qenë të shumta, përfshirë përballjen me pyetje si “pse kërkoni më shumë sesa të tjerët?” Jonidi shpjegon se ata thjesht kërkojnë atë që iu takon, duke theksuar se njerëzit janë produkt i rrethanave.
Pavarësisht sfidave, ai mbetet optimist. “Shpresoj të jem një inspirues për të tjerët dhe të kontribuoj në mbështetje të kauzave të rëndësishme,” thotë ai me vendosmëri. Në lidhje me nevojat e personave me aftësi të kufizuara, Jonidi thekson se infrastruktura mbetet një problem i madh. “90% e informacionit merret me sy, dhe barrierat janë të shumta. Kemi nevojë për akses më të mire”.
Rutinën e tij të përditshme, Jonidi e përshkruan sin je ditw plot pune dhe aktivitete ku pjeswn mw tw madhe tw kohws e kalon tek shoqata. “Çdo punë ka rëndësi,” shprehet Kryetari duke theksuar se nuk ka sukses pa përpjekje.
Në përfundim, ai ndan një mesazh për të rinjtë: “Pavarësisht kushteve, rëndësi ka të përpiqeni. Çdo përpjekje është një mundësi për të mësuar diçka. Asnjëherë nuk është vonë për të arritur atë që dëshironi.”
Jonidi është një shembull se si angazhimi dhe pasioni mund të bëjnë ndryshime të mëdha në jetët e të tjerëve. Rrugëtimi i tij është një frymëzim për shumë të rinj, duke treguar se çdo hap drejt përparimit është një arritje e madhe.
