KRUJË- Xhelal Isufi, 60 vjeç ka rënë në pranga të policisë së Krujës, pasi në afërsi të banesës së tij në fshatin Picërragë, iu gjetën 3.2 kg kanabis.
Në hetim të lirë është proceduar edhe bashkëshortja e tij DH.I, 51-vjeçe.
Ata kishin përshtatur një shtëpi pothuajse të rrënuar për të tharë kanabisin në trarët e çatisë së shtëpisë, të cilat u sekuestruan në cilësinë e provës materiale, bashkë me 1 armë gjahu, që u gjet gjatë kontrollit në banesë.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.
