Pavarësisht zërave se Princi Harry refuzoi ftesën për darkë të babait të tij kur ai mbërriti në Skoci, Mbreti Charles III ishte larguar tashmë për në rezidencën e tij private.
Kur Harry mbërriti në Kështjellën Balmoral më 8 shtator, Charles dhe Princi William ishin nisur tashmë për në shtëpinë e monarkut, sipas një burimi nga pallati mbretëror për “Page Six”.
Ata nuk ishin fare në Balmoral për darkë.
‘The Sun’ raportoi të enjten se Harry, refuzoi ftesën e babait të tij pasi gruaja e tij, Meghan Markle, dyshohet se u ndalua nga një mbledhje e familjes mbretërore në kështjellë pas vdekjes së Mbretëreshës Elizabeth II.
Sipas gazetës, Harry dëshironte që Markle, të bashkohej me të afërmit e tij në ditën kur gjyshja e tij vdiq në moshën 96-vjeçare. Gazeta raportoi se Charles i telefonoi djalit të tij për të thënë se prania e ish-aktores ishte “e papërshtatshme”.
Harry dhe Meghan – të cilët në mënyrë u larguan nga detyrat e tyre mbretërore në vitin 2020 – u përballën me një sërë vështirësish gjatë kohës së tyre duke i bërë homazhe Elizabeth në Mbretërinë e Bashkuar.
Përveç ndërveprimeve të akullta me William dhe gruan e tij, Kate Middleton, dyshja ishin të ftuar – dhe më vonë të paftuar – në një pritje shtetërore për liderët botërorë dhe liderët e huaj të premten e kaluar.
“Page Six” raportoi se ata e morën vesh vetëm pasi lexuan lajmet në Internet. Harry-t, i cili shërbeu 10 vjet në ushtri, fillimisht u ndalua gjithashtu të vishte uniformën e tij ushtarake në funeralin e Mbretëreshës – ku ai dhe Meghan mbajtën distancë nga William dhe Kate. Sidoqoftë, Charles përfundimisht e lejoi Harry-n të vishte uniformën në vigjilje. Harry-t iu hoqën titujt e tij ushtarakë kur u largua nga puna si anëtar i familjes mbretërore.
Në deklaratën e tij të parë për gjyshen e tij, ai tha: “Gjyshe, ndërsa kjo ndarje përfundimtare na sjell pikëllim të madh, unë jam përgjithmonë mirënjohës për të gjitha takimet tona – që nga kujtimet e mia të hershme të fëmijërisë me ty, deri tek takimi me ty për herë të parë si Komandanti im i përgjithshëm, në momentin e parë që takova gruan time të dashur dhe përqafove stërnipërit e tu . I vlerësoj këto kohë të përbashkëta me ju dhe shumë momente të tjera të veçanta në mes. Tashmë ju mungon shumë.”
Pasi u liruan nga çdo detyrim mbretëror, Duka dhe Dukesha e Sussex – të cilët kanë djalin 3-vjeçar Archie dhe vajzën 1-vjeçare Lilibet – u zhvendosën në Montecito, Kaliforni. Ata fluturuan përsëri në Shtetet e Bashkuara të mërkurën.
