Prokurori i Përgjithshëm, Olsian Çela në një reagim për daljen e Shqipërisë nga lista gri e pastrimit të parave, shkruan se kjo vjen edhe si fryt dhe kontribut i seksioneve të posaçme në 7 prokuroritë kryesore të vendit.
“Shqipëria del nga ‘lista gri’ e pastrimit të parave, fryt ky edhe i një kontributi thelbësor të seksioneve të posaçme në 7 prokuroritë kryesore të vendit, ngritur në kuadër të zbatimit të strategjisë së hartuar nga Prokuroria e Përgjithshme në vitin 2020 për të luftuar fenomenin”, u shpreh Çela në një reagim përmes rrjeteve sociale.
