Në Ditën Botërore të Aksidenteve Vaskulare Cerebrale, me moton “Bëhu më i fortë se Goditja!”, Ministrja e Shëndetësisë, Albana Koçiu, ka bërë thirrrje për ndërgjegjësim dhe kontrolle në kohë në mënyrë që të parandalohen faktorët e riskut që mund të çojnë në fatalitete.
Bashkë me mesazhin për të kryer kontrolle periodike, Koçiu u shpreh se
‘Sa më shpejt t’i ndjekim, sa më shpesh të bëhen kontrolle periodike, sidomos check up, aq më e lehtë është t’i shpëtosh fataliteteve. Duhet të ndërgjegjësohemi më shumë dhe të bëjmë një jetë më të shëndetshme’.
Ministrja Koçiu deklaroi se ‘Është bërë shumë punë për të pasur mjekë, specialist, neurologë në spitalet tona edhe në Spitalet Universitare, Rajonale dhe ato, Bashkiake.’
Një nga arritjet e viteve të fundit është krijimi i qendrave të trombolizës në spitalet tona duke shpëtuar jetë dhe eliminuar paralizën, ndërsa me sistemin e Urgjencës Kombëtare, qyetarëve u ofrohet shërbimi në kohë reale.
‘Prej 4 vitesh funksionojnë qëndrat e trombolizës që janë të rëndësishme për të kapur në kohë trombozat që, përndryshe bëhen fatale.’-përfundoi Koçiu.
