Presidentit i Shoqatës Europiane të Klubeve, Naser al Kelaif, ka shfrytëzuar Asamblenë e zakonshme vjetore për të sulmuar Barcelonën.
Duke folur për rregullat e reja të “Fair Play” Financiar që do të aplikohen nga UEFA, ai ka thënë: “Ato janë mjaft pozitive, sepse garantojnë qëndrueshmërinë financiare të klubeve.
Të gjithë duhet të jemi të kujdesshëm me nivelin e borxheve, sepse injektimi i miliona eurove si me magji nuk garanton stabilitet”, ka thënë ai, duke thumbuar Barcelonën. Por i menjëhershëm ka qenë reagimi nga Spanja, me presidentin e La Ligës, Tebas, që i ka kujtuar presidentit të PSG-së, milionat e përvitshme që ai injekton te kampionët e Francës.
