Këngëtarja Martina Serreqi e ftuar në emisionin “Mirëmëngjesi Shqipëri” ndalur te Festivali 62 i Këngës në RTSH ku ajo merr pjesë për herë të parë, nuk ka shprehur pretendime për fitoren, por që kënga e saj të pëlqehet dhe ndihet nga publiku.
“Vetëm ty”, është balada me të cilën Serreqi do të konkurrojë në Festivalin e Këngës në RTSH.
“Përgjegjësi e madhe. Ka qenë ëndrra ime. Tani që mbusha moshën futem në festival në mënyrë dinjitoze.
“Vetëm ty” është një baladë, besoj se do vijë mirë për publikun. Më përshtatet. Është këngë që I dedikohet dikujt që do, jo vetëm nga ana romantike, por edhe për pjesëtarët e familjes.
Frika që çdokush ka për një person të caktuar.
Për fitoren ndoshta nuk kam pretendime, por dua që kënga të pëlqehet për publikun. Është dalja ime e parë në festival”, tha Serreqi.
Ndërsa këngëtari Sergio Hajdini, u shpreh se merr pjesë për të tretën herë në festival. Ai deklaroi se kënga e tij “Uragan”, flet për forcën e njeriut kundrejt fenomeneve natyrore.
Ai theksoi se janë shumë elementë që të çojnë në fitore, duke renditur këtu, publikun, jurinë, performancën live, etj.
“Hera e tretë që marr pjesë. Është përgjegjësi. Është fat për një artist të marrë pjesë. Më është dashur 2 muaj për këngën. Jam ende duke punuar me detajet e fundit. Kënga titullohet Uragan, forca e njeriut kundrejt fenomeneve natyrore. Njerëzit janë gjithmonë të fortë dhe mbizotërojnë ndaj çdo lloj situate.
E rëndësishme që artistët të ndihet mirë me punën që bën, pastaj pjesa tjetër varet nga publiku, juria dhe performancë live. Janë shumë elemente që të çojnë në fitoren e madhe”, tha ai.
