MEMEX e cila njihet si Sistemi i Menaxhimit të Informacionit Kriminal mban të dhëna sekrete të policisë mbi cdo eksponent kriminal.
Sistemi i të dhënave për kriminelët shqiptarë është zbërthyer nga grupi i hakerave iranianë “Homeland Justice”.
Hakerat kanë publikuar sot një material prej 1.7 giga ku është skeduar i gjithë informacioni policor në sistemin MEMEX për personat e dyshuar si të përfshirë në veprimtari krimianale.
Tashmë çdo person i përfshirë në veprimtari kriminale mund të kërkojë dhe të shikojë sesi e paraqet policia shqiptare atë në sistem.
Qeveria shqiptare deklaroi pak kohë më parë se të dhënat e marra nga hakerat nuk janë koefidenciale apo “sekrete”, apo se nga sulmi nuk ka patur dëme të mëdha, por pas nxjerrjes së të dhënave për kriminelët shqiptarë duket se hakerat iraninanë dhe sulmi kibernetik ka depërtuar në çdo njësi të sistemeve shqiptare të sigurisë.
Goditja e MEMEX nga Homeland Justice e zhbën këtë sistem duke bërë që puna e disa viteve të punonjësve të policisë të minohet.
Kujtojmë se autoritetet shqiptare janë përballur me sulme kibernetike që nga viti 2021.
Një sulm kibernetik u shënua më 15 korrik të 2022, i cili bllokoi të gjitha faqet zyrtare shtetërore dhe platformën e shërbimeve online e-Albania, teksa sulmi tjetër u regjistrua në shtator.
