Ministrja e Bujqësisë dhe Zhvillimi Rural, Anila Denaj ka zhvilluar sot një takim me përfaqësues të blegtorëve dhe përpunuesve të prodhimeve blegtorale për të gjetur mundësinë e bashkëpunimit mes palëve.
Me anë të një postimi në rrjetet e saj sociale, Denaj thekson rëndësinë e bashkëpunimit bazuar në marrëdhënie kontraktuale afatgjatë për të siguruar një produkt shqiptar cilësor.
Postimi i Anila Denaj:
Në takimin me përfaqësues të blegtorëve dhe përpunuesve të prodhimeve blegtorale për të gjetur mundësinë e bashkëpunimit mes palëve në atë që është bashkërendim zinxhiri i furnizimit me produkte cilësore të lëndës së parë.
Rëndësia e bashkëpunimit bazuar në marrëdhënie kontraktuale afatgjatë për të siguruar një produkt shqiptar cilësor ndihmon edhe në sigurimin e një pakete mbështetëse si financiare ashtu edhe fiskale, paketë për të cilën do punojmë së bashku në dy muajt në vijim që ky sektor të ketë mundësinë e zgjerimit dhe respektin financiar mes palëve, sikurse produkti “Made in Albania” e meriton.
Sot realizuam një hap cilësor përpara, si në komunikim edhe në bashkërendim mes aktorëve, përfshirë edhe institucionet e Ministria e Bujqësisë dhe Zhvillimit Rural e cila ka përgjegjësinë për të zhvilluar më tej këtë sektor jetik të ekonomisë.
#BlegtoriaPrioritet#MadeInAlbania
