Spitalit të Shkodrës dhe Lezhës i dhurohen nga “Rotary International” një ambulance dhe pajisje mjekësore për okulistikë

Shqipëria dhe Kosova, tashmë do të jenë një trup i vetëm në Rotary International, duke realizuar një qëllim të hershëm, shërbimin në komunitetet e dy vendeve dy vendeve, si në arsim, shëndetësi, mjedis, etj.
E tashmë projektet kanë filluar dhe pritet zbatimi i tyre që më datë 1 korrik të vitit 2024. Përfitueset nga ky projekt do të jenë Shkodra, Lezha dhe Prishtina. Konkretisht në Shkodër do të dhurohet një autoambulancë e cila ka të gjitha pajisjet e nevojshme për ti shërbyer komunitetit në zonat më të thella të qarkut. Ndërsa në Lezhë do të dhurohen pajisje moderne për pavijonin e okulistikës.
Të trreja këto projekte arrijnë vlerë e 120 mijë eurove por asgjë nuk do të ndalet këtu. Butrint Batalli, Guvernator i Distriktit Shqipëri-Kosovë, thotë se pritet të nisin dhe 8 projekte të reja që kalojnë vlerën e 1 milion eurove dhe që përfituese do të jetë edhe Shqipëria.
“Rotary është organizata më madhe shërbyese në botë që dëshirojnë ti kthejnë mbrapa komunitetit atë që ka bërë komuniteti për ta. Kemi përfaqësues nga e gjithë bota. Po fillojmë me tre projekte të reja. Dy në fushën e shëndetësisë. Kemi dy projekte në Shkodër dhe Lezhë me vlerë 110 mijë eurosh. Pajisje mjekësore dhe një autoambulancë. Për Shkodër kemi një autoambulancë, me pajisje të sofistikuara që do shkoje në zona të largëta të Shkodrës që nuk kanë mundësi të shkojnë direkt në spitale. Spitali i Lezhës do pajiset me pajisje të sofistikuara. I kemi projekte të miratuara. Jan 8 projekte të tjera që priten të implementohen dhe vlerën e kapin mbi 1 milion euro për Shqipërinë dhe Kosovën”, tha Butrint Batalli, Gurvenator i Distriktit Shqipëri-Kosovë.
Për të prezantuar këto projekte, për tre ditë me radhë u organizua në Tiranë, konferenca e parë e Distriktit të ri 2485 (Shqipëri-Kosovë) të Rotary International (Shoqata me e madhe në botë) me një pjesëmarrje masive prej mbi 300 anëtarësh në Shqipëri dhe Kosovë, përfaqësues të institucioneve publike në vend, anëtarë të bordit të drejtorëve udhëheqës të Rotary International, si dhe Sekretari Gjeneral dhe CEO i Rotary International, gjithashtu edhe liderët e Rotary International nga zona dhe distrikte nga mbarë bota.