Epik ishte reagimi i mbretit Filip të Spanjës, kur mësoi moshën e futbollistit Lamin Yamal, i cili ka hyrë në historinë e Kampionateve Europiane, duke u bërë futbollisti më i ri që luante një ndeshje në fazën finale të këtij aktiviteti.
Ylli i Barcelonës dhe Spanjës ishte po ashtu dhe një nga lojtarët më të mirë në ndeshjen e Euro 2024 kundër Italisë, ku iberianët fituan për të kaluar në fazën tjetër.
Pas ndeshjes Mbreti i Spanjës zbriti në dhomën e zhveshjes për të folur dhe përgëzuar lojtarët, ku dhe ka pyetur Yamal për moshën.
Yamal u përgjigj se ai është vetëm 16 vjeç dhe Mbreti i shtangur vuri duart në kokë i surprizuar.
Ylli i ri i Barcelonës, ka qenë titullar në sfidën e Spanjës kundër Kroacisë, duke vendosur rekordin e ri të turneut e duke hyrë kështu në historinë e Kampionateve Europiane si futbollisti më i ri që luante një ndeshje në fazën finale të këtij aktiviteti.
Në moshën 16 vjeç e 338 ditë, ai theu rekordin që mbahej nga polaku Kacper Kozlovski, i cili kishte luajtur në moshën 17 vjeç e 246 ditë.
Lavin Yamal është me origjinë nga Maroku dhe Guinea Ekuatoriale, por luan në Barcelonë që kur ishte fëmijë. Ai ka lindur më 13 korrik 2007 në Barcelonë.
