Shefja e BE-së Ursula von der Leyen ka bërë thirrje për shkurtime të përdorimit të energjisë elektrike në të gjithë bllokun europian. Po ashtu ka paralajmëruar “taksa të papritura” për firmat e energjisë për të trajtuar çmimet e larta.
Një “taksë e papritur” është një normë më e lartë tatimore mbi fitimet për një kompani ose industri të caktuar, shpesh si rezultat i një shqetësimi gjeopolitik, lufte ose fatkeqësie natyrore që krijon rritje të pazakonta të kërkesës dhe/ose ndërprerje të furnizimit.
Ajo i tha Parlamentit Evropian se çmimet e gazit dhe energjisë elektrike kishin arritur nivelet më të larta të të gjitha kohërave pas pushtimit të Ukrainës nga Rusia.
Ursula von der Leyen bëri thirrje që konsumi i energjisë elektrike në orët e pikut të reduktohet me të paktën 5%.
Por planet për një kufi mbi çmimin e gazit natyror, një eksport kyç rus në BE, u pezulluan.
Plani i përshkruar në Strasburg synon “të ardhurat e tepërta” me propozime për të pakësuar fitimet e prodhuesve të energjisë elektrike me karbon të ulët dhe për të zbatuar një taksë të papritur de facto në sektorët e naftës, gazit dhe qymyrit.
Paratë e mbledhura, të vlerësuara në 140 miliardë euro (141 miliardë dollarë), do të shkojnë për familjet dhe bizneset në 27 shtetet e BE-së.
Shtetet anëtare të BE-së do të shqyrtojnë propozimet me shpresën për një marrëveshje deri në fund të këtij muaji.
Zonja von der Leyen njoftoi gjithashtu se do të vizitonte Ukrainën përsëri për bisedime me Presidentin Volodymyr Zelensky, duke thënë: “Solidariteti i Evropës me Ukrainën do të mbetet i palëkundur”.
Gruaja e Zelensky, Olena, ishte në parlament si e ftuar nderi për të dëgjuar fjalimin.
Znj. von der Leyen tha se “përgatitja për jetesën” po “bëhej një burim ankthi për miliona biznese dhe familje”.
“Në këto kohë është e gabuar të marrësh të ardhura dhe fitime të jashtëzakonshme rekord duke përfituar nga lufta dhe në kurrizin e konsumatorëve tanë,” argumentoi ajo.
