Deputetja e Partisë Demokratike, Jorida Tabaku me anë të një postimi në rrjetet sociale ka shpjeguar arsyen se pse domatja e tokës shqiptare nuk vjen në tavolinën e çdo shqiptari apo turisti.
Ajo shprehet se është “Taksimi Socialist” ai që e pamundëson një gjë të tillë, duke shtuar se qeveria aktuale nuk ka respekt për punën.
Postimi i Tabakut:
“Një qeveri socialiste që ka lënë pasdore bujqësinë dhe sot rritja ekonomike e sektorit të bujqësisë është 0% për të tretin vit!
👎🏻Një qeveri socialiste që nuk ka pasur asnjë reformë në sektorin e bujqësisë duke e lënë fshatin në mëshirë të teknikave të fillimit të vitit të kaluar.
🚫Një buxhet socialist që nuk subvencionon bujqësinë duke ulur tokat e punuara dhe rrënuar këtë vend.
Një buxhet socialist që nuk subvencionon bujqësinë duke ulur tokat e punuara dhe rrënuar prodhimin vendas.
Një sistem korrupsioni që ka monopolizuar tregun ndërsa bujqit i ka lënë pa fondet e IPARD që nuk merren prej tyre sepse qeveria nuk reformon bujqësinë duke rritur madhësinë e fermave por e ka lënë në harresë.
Një qeveri socialiste që ka ndihmuar zhvlerësimin e euros duke i dhënë prioritet produktit të importit dhe jo djersës dhe mundit që bujku shqiptar derdh nga sabahu deri në aksham!
Prandaj domatja e tokës shqiptare nuk vjen në tavolinën e çdo qytetari apo dhe në pjatën e çdo turisti.
Përse fermerët që zgjohen në mëngjes, shesin dhe blejnë me faturë produktet, punojnë dhe kujdesen për tokën sot janë më të varfër dhe produktin e kalbin sepse nuk e çojnë dot në tavolinën e shqiptarit. Ngaqë ata janë vetëm edhe akoma më keq kanë përballë edhe qeverinë që nuk ka respekt për punën!
