Nxënësit e shkollës 9-vjeçare “Gjergj Kastrioti” në Lezhë e nisën vitin e ri shkollor në ambiente të reja. Godina e shkollës u rindërtua nga themelet, pasi ishte dëmtuar nga tërmeti i 26 nëntorit 2019. Inaugurimi i shkollës u bë në prani të Ndihmës-Sekretares së Përgjithshme të Kombeve të Bashkuara, njëkohësisht Drejtoresha Rajonale e UNDP-së për Evropën , Ivana Zivkovic, përfaqësuesve të Bashkimit Evropian si dhe autoriteteve qendrore dhe vendore.
Zivkovic dhe personalitetet e tjera u takuan me nxënës dhe mësues dhe diskutuan për ndikimin pozitiv që kanë këto objekte arsimore të modernizuara në arsim. Gjithashtu, gjatë vizitës, nxënësit morën pjesë në kuizin “Njihni Bashkimin Evropian”.
Objektet e reja të shkollës përfshijnë laboratorë, bibliotekë, sallë multifunksionale, zyrë për infermier dhe psikolog, si dhe palestër.
Shkolla 9-vjeçare “Gjergj Kastrioti”, nga e cila përfitojnë 631 nxënës dhe 38 mësues, është një nga 63 institucionet arsimore të rindërtuara ose të riparuara në Shqipëri në kuadër të Programit “EU4Schools”.
Gjatë vizitës së Zivkovic, Ndihmës-Sekretares së Përgjithshme të OKB-së, në Lezhë, bashkë me Kryetarin e Bashkisë së Lezhës, Pjerin Ndreun, vizituam Qendrën “Fuqizojmë Komunitetin”, e cila ofron shërbime sociale të integruara për grupet në nevojë, përfshirë viktimat e dhunës në familje, personat me aftësi të kufizuara dhe fëmijët dhe të rinjtë nga grupet në nevojë.
Që nga hapja e saj në Shkurt 2024, qendra ka mbështetur mbi 309 qytetarë dhe ka ndihmuar 1,275 qytetarë, duke ofruar një gamë të shërbimeve që synojnë të nxisin përfshirjen sociale dhe qëndrueshmërinë.
Kjo qendër është pjesë e një projekti më të gjerë, të financuar nga USAID/Albania, që përfshin ngritjen e tre qendrave “Fuqizojmë Komunitetin” në Lezhë, Durrës dhe Kurbin.
Këto qendra kanë duke kontribuar në ndërtimin e komuniteteve më të forta dhe më gjithëpërfshirëse.
