Kur kanë ngelur edhe 24 orë nga startimi i superderbit Partizani – Tirana që pritet të sjellë edhe paralizimin e qytetit, duket se dy teknikët kundërshtarë, Aleksander Veselinovic dhe Bledi Shkëmbi i kanë idetë e qarta për 11-çen titullare që do të zbresin në fushën e lojës.
Partizani – Tirana do të përplasin “brirët” në “Air Albania” ditën e shtunë në orën, 20:00.
Lajm i mirë për trajnerin serb është se për duelin me rivalët do të ketë të plotë grupin e lojtarëve. Kjo do t’i japë mundësinë Veselinovic të zgjedhe më të mirët për të hedhur në fushën e lojës dhe për të kërkuar rikthimin te fitorja në kampionat pikërisht në derbi.
Ndërsa në kampin “bardheblu”, Tirana nuk do të ketë të gatshëm Florjan Përgjonin, i cili ka pësuar një dëmtim ditët e fundit.
Edhe pse për derbin duhet edhe 24 orë, Bledi Shkëmbi duket se e ka vendosur. Ku me shumë mundësi ndaj Partizanit pritet të luajë me një 3-5-2.
Pas 5 barazimeve, Tirana pret kthesën në derbin e cila vlen më shumë se një ndeshje.
