Tirane-Gjykata e Apelit le në fuqi dënimin me 1 vit burg për Ervin Salianjin
Pamjet e turpshme të pak ditëve më parë u përsëritën sërish sot në Gjykatën e Apelit ku trupi gjykues do të shpallë vendimin për deputetin Ervin Salianji i cili është dënuar nga gjykata e Shkallës së Parë me 1 vit burg për dosjen’ Babale’.
Salianji ka ankimuar vendimin, ndërsa për dy vjet seancat nuk u zhvilluan për mungesë të avokatëve të tij. Deputeti demokrat u paraqit në gjykatë ndërsa në mbështetje të tij ishin edhe 16 deputetë të grupit parlamentar të PD-së si presion ndaj trupit gjykues që pritet të lexojë vendimin.
Salianji i printe deputetëve të grupit parlamentar Luciano Boçi, Gazment Bardhi, Saimir Korreshi, Xhelal Mziu, Bledion Nallbati, Helidon Bushati, Asllan Dogjani, Dhurata Çupi, Luçiano Boçi, Ina Zhupa, Oerd Bylykbashi, Ferdinand Xhaferri, Edi Paloka, Dashamir Shehi, Lefter Gështenja, Zheni Gjergji, Ludovik Hasani.
Çfarë ndodh në seancë
Seanca e sotme ishte për dhënie vendimi, por meqë avokatët e Geron Xhafës kishin paraqitur vendimin e pushimit të GJKKO-së që u bë objekt debate seancën e kaluar, Apeli riçeli shqyrtimin që e kishte mbyllur seancën e kaluar për të marrë provën
Kjo u konsiderua e paligjshme nga avokati i Salianjit
“Është e padegjuar më parë që pasi mbyllet shqyrtimi të depozitohen prova të reja në gjykatë. Vendim në kundërshtim me ligjin” tha Ledio Braho.
“Nëse do kishte nje hrtim në vazhdim për trafik ndërkombëtar droge, nuk do kishte kallëzim te rremë. Prokurorit në seancën e kaluar, ja dhanë gati letrën ne dorë” tha Salianji
‘Kujdes me etikën” tërhoqi vëmendjen gjyqtarja Elona Toro.
Më pas shqyrtimi u mbyll dhe trupi gjykues u tërhoq për të dhënë vendimin përfundimtar.
Dosja Babale
Skandali i inskenimit të “Babales” doli më 14 Maj të vitit 2018 nga selia e PD-së në Tiranë, në një konferencë për shtyp ku dolën Ervin Salianji, Enkelejd Alibej dhe Gazment Bardhi, duke denoncuar atë që e quajtën “audio-përgjim ku implikohej në trafik droge Geron Xhafaj, vëllai i ish-ministrit të Brendshëm, Fatmir Xhafaj”. Përgjimet me stilolaps pretendoheshin se ishin bërë nga Albert Veliu (Babalja), kunati i tij Alfred Alizoti dhe gazetari Jetmir Olldashi, në prill të atij viti, në një lokal në Vlorë.
Prokuroria Tiranë dhe Gjykata e shkallës së parë konkluduan se audio-përgjimi ishte inskenim dhe i shpalli fajtorë të 4 të pandehurit, duke i dënuar.
