Kryetari i Partisë Socialiste dhe njëherësh kryeministri i vendit, Edi Rama gjatë takimeve në aktivitetin “Deputeti që duam”, tha se ka ardhur koha që PS duhet të fillojë të bëjë vend për “një gjeneratë të tretë”.
“Ne kemi shumë seriozisht këtë proces, sepse ka ardhur ky moment në këtë histori, pas rënies së diktaturës kur një gjeneratë e dytë, që me këtë kam parasysh, gjeneratën e atyre që sot janë në nivelin udhëheqës së PS dhe pjesa më e madhe tyre e kanë nisur rrugën si lojtarë të skuadrës së të rinjve kur unë erdha në krye të PS, Duhet të fillojë t’i bëjë vend një gjeneratë të tretë, e cila është gjeneratë juaj, edhe pse nuk kemi vënë kufij moshe”, tha ai.
Ai theksoi se është detyra e të gjithëve që të krijojnë të gjitha forcat për ta çuar përpara projektin për Shqipërinë 2023 dhe për Partinë Socialiste.
Kryesocialisti theksoi se ka plot modele, ku parti të caktuara kanë qëndruar me vite të tëra në pushtet pasi puna dhe qëllimi i tyre ka pasur lidhje të pazgjidhshme me ardhmërinë e atij kombi.
“Është detyra jonë të përgatisim të gjithë forcat për Shqipërinë 2030, por të përgatisim dhe PS 2030. Të përgatisim fazën që do të marrë stafetën e gjeneratës dominonte sot dhe të çojë përpara projektin e PS. Ju e keni dëgjuar kur thonë janë shumë tre mandate. Pse janë shumë? Këtu kam parasysh projektin, forcën dhe përgjegjësinë jo në vendet diktatoriale, por në vende shumë demokratike të Evropës, ka pasur parti që kanë bërë historinë duke qëndruar 30, 40, 50 vjet në pushtet. Nuk po them që kështu do të ndodhi, por detyra jonë është që PS të qëndrojë në krye të detyrës. Kjo nuk është ambicie për pushtet, por ambicie për Shqipërinë, Dhe pushteti duhet për këtë ambicie”, tha ai.
Më tej, kreu i PS-së kujtoi dobitë, por edhe pasojat e këqija të politikës.
“Politika është shpikja më ë jashtëzakonshëm, që njeriu ka bërë nga nevoja për t’u mbrojtur nga kaosi. Për t’u bashkuar, për të vendosur disa rregulla, për të bashkëpunuar në funksion të mirëqenies dhe hap pas hapi për të krijuar shtetin si një organizim garancish dhe më pas për të imagjinuar të drejtat dhe liritë e tij. I gjithë procesi është udhëhequr nga politika. Politika ka bërë gjera të tmerrshme. Politika ka pjell monstra, nazizmin, totalitarizmin komunist dhe plot e plot të tjera…. inkuizicionin, por politika ka bërë të gjithë ato gjera ku sot individi dhe shoqëria jetojnë në standarde krejt tjetër. Pa politikën nuk do kishte BE, Be është krijesa me gjeniale e mendimit politik, Pa politikën nuk do kishte SHBA dhe nuk do kishte shumë e shumë gjëra të tjera.”, shtoi ai.
