Mbrëmja e së martës nuk ka qenë aspak e qetë për banorët e BBVK, pasi dy banorë, Naim Bunjaku – Xuxi, që hyri vetëm pak ditë më parë në shtëpi, dhe Mevlani janë përplasur fizikisht me njëri-tjetrin.
Gjithçka nisi pas një rrëmuje që u krijua në shtëpinë e “Big Brother” nga Xheneta, por situata precipitoi deri në përplasje fizike. Xheneta Fetahu nxiti të gjithë banorët, kur tentoi t’i zgjonte banorët në dhomën e gjumit me tiganë, por kjo nuk u prit mirë nga të gjithë.
Xuxi nuk u përmbajt dhe situata i doli jashtë kontrollit, derisa në një moment, ai e shtyu fizikisht ish-konkurrentin e “Përputhen”.
Pas kësaj, këngëtari nuk është ndier mirë dhe i është dashur ndihma e mjekut. Reagimi i produksionit ishte i menjëhershëm, sepse transmetimi u ndërpre për disa minuta, pasi situata u qetësua.
Xuxi ditën e sotme (e mërkurë) është zgjuar me pendesë dhe i turpëruar për situatën e krijuar mbrëmë. Rovena e pyeti nëse është më mirë, ky i konfirmon se është qetësuar megjithatë u shpreh i turpëruar.
Por sot, gjatë ditës, Xuxi është ndier më i qetë, por i turpëruar. Ai tha se i vjen turp për situatën e krijuar, pasi e shikon edhe e bija nga televizori: “Turp i Zotit. Po më vjen turp prej vetes. Po më vjen turp, se e kam vajzën 18-vjeçare sa ajo, ajo me shikon. Prej turpit, po më dhemb zemra. Aq keq jam, sa nuk ta merr mendja. Vajza më shikon… Aq e kam vajzën, sa Xheneta.
