Gjithçka që ndodh në showbizin shqiptar nuk mund të ngelet pa u komentuar në VipVibes nga Bleona dhe Klejda. Emisione, propozime dhe projekte muzikore të reja të cilat mund të quhen dhe “kunja” drejtuar ish-partenerëve.
Në puntatën e 14-të, dy moderatoret e hapën emisionin me propozimin e djalit të Jozefina Topallit. Genar Topalli i ka propozuar për martesë gazetares sportive Cindy Marina. Dy moderatoret nuk i kanë kursyer urimet për çiftin dhe as kunjat drejtuar politikanes Jozefina Topalli. Bleona dhe Klejda diskutuan se si mund të jetë jeta e politikanes tashmë me nusen në shtëpi.
Pas diskutimit romantik kaluan menjëherë në projektin e ri të Xhensila Myrtezajt, Elgit Doda dhe Emra Brah. A ishte ky projekt i këngëtares drejtuar ish-bashkëshortit Bes Kallaku? Faji për ndarjen e bujshme e kishte vet artisti? Për këtë mund ta merrni përgigjen vetëm nga VipVibes.
Normal që emisioni nuk mund të mbyllej pa diskutuar dhe projektin e ri të moderatores Arbana Osmani. Moderatorja vjen me një emision të ri, “Mirëmbrëma Yje” i cili do të transmetohet në kanalin e saj të YouTube. A do të ketë Arbana vëmendjen e merituar, pasi dhe nisja e BigBrotherVip është shumë afër.
VipVibes është gjithmonë aty duke komentuar dhe diskutuar ngjarjet më të reja të showbizit. Nëse dhe ju dëshironi të komentoni më shumë rreth tyre mjafton të na ndiqni çdo të martë dhe të premte në orën 20:30 në A-Times.
