Shqipëria u bë sot pjesë e sistemit unik europian të pagesave, që do të thotë se të gjitha dërgesat e parave të shqiptarëve nga Europa në Shqipëri apo anasjelltas, nuk do të kenë më kosto.
Kryeministri Rama ndau sot lajmin e mirë për shqiptarët përmes një postimin në rrjetin “X”.
Rama thotë se ky është një tjetër hap i madh në rrugën drejt Shqipërisë 2030 në Bashkimin Europian.
Duke nisur nga 1 janari 2025 të gjitha dërgesat e parave të shqiptarëve nga Europa në Shqipëri apo anasjelltas, nuk do të kenë më kosto financiare, thotë kryeministri.
