Kryetari i Bashkisë së Tropojës, Rexhë Byberi, ka thyer masën e arrestit të shtëpisë, të caktuar nga GJKKO pasi sot është paraqitur në ambientet e institucionit që drejton dhe ka zhvilluar një mbledhje me drejtuesit e administratës. Gjithashtu në rrjetin social Facebook është postuar edhe një foto e tij me një prej personave që kanë marrë pjesë në mbledhje.
GJKKO ka caktuar ndaj Byberit masën “arrest shtëpie” pasi akuzohet për “shpërdorim detyre”, “prerje e paligjshme e pyjeve” dhe “shkatërrim i pronës”. Sipas hetimeve të SPAK, në bashkëpunim me njëri-tjetrin, Byberi dhe nënkryetarin e bashkisë Abedin Kërnaja, kanë shkelur ligjin në miratimin e dy vendimeve në Këshillin Bashkiak për ndërtimin e rrugëve, duke i shkaktuar buxhetit të shtetit një dëm prej 277 milionë lekësh.Dosja.al
