Armand Spahiu, 35 vjeç, mbeti i plagosur mbrëmjen e së mërkurës, teksa ndodhej vetëm pak metra larg vendit ku iu bë atentat në Çole të Vlorës 30-vjeçarit Kevin Hajrulla.
Spahiu ka rrëfyer për News24 momentet e ngjarjes, ndërsa shprehet se fillimisht mendoi se ishin fishekzjarrë.
“Isha në këmbë, mu dukën si fishekzjarre, më pas kuptova se nuk ishin fishekzjarre, por krisma armësh. U shtriva në shesh dhe kur mbaruan u ngrita. Pashë që isha plagosur. Mora një efektiv policie në telefon, i thashë që jam plagosur dhe më pas më morën me makinë policie dhe më çuan në spital, ku edhe u mjekova”, shprehet 35-vjeçari.
Armand Spahiu tregon se çdo ditë punon si shitës tek fruta perimet, në një dyqan që e ka i afërmi i tij. Ai thotë se punon për të mbajtur familjen kundrejt një page prej 2500 lekësh të reja në ditë. Sic tregon edhe vetë është e vetmja rrogë që ka në shtëpi, me të vetmet të ardhura që mbahet familja e tij. Në spital ka marrë ndihmën mjekësore dhe ka dalë me deshirën e tij
Në atentatin mafioz të ndodhur të mërkurën në mbrëmje 80 gëzhoja kallashnikovi u derdhën në drejtim të 30 vjecarit Kevin Hajrulla. Një prej plumbave ka kapur në këmbë 35 vjecarin Armand Spahiu, i cili mbeti i plagosur.
