Vendimi i Vladimir Putinit për të vendosur armë bërthamore në Bjellorusi shqetëson Presidentin amerikan Joe Biden.
“Është e rrezikshme kjo gjuhë që ai po përdor. Është shqetësuese”, u shpreh Biden.
Prania e armëve bërthamore ruse në Bjellorusi është kërcënim i drejtpërdrejtë për vendet e NATO-s, pasi ato afrohen në kufijtë e 3 vendeve europiane të aleancës, Polonisë, Lituanisë dhe Letonisë.
Lufta në Ukrainë bëri që Rusia, për të parën herë që prej rënies së ish-Bashkimit Sovjetik, të nxjerrë jashtë territorit të saj armët bërthamore. Gjithsesi është ende e paqartë se kur do të bëhet zhvendosja e tyre.
Sakaq, Rusia ka nisur një stërvitje të gjerë me raketat ndërkontinentale të sistemit Jars. Ato kanë një rreze të jashtëzakonshme veprimi prej 12 mijë kilometrash që përfshin vendet europiane dhe perëndimin e Shteteve të Bashkuara.
Raketat mund të përdorin edhe koka bërthamore për të kryer sulme, ndërsa Presidenti rus Vladimir Putin e ka quajtur këtë sistem, të pathyeshëm.
