Kryeministri Edi Rama ka qenë mëngjesin e sotëm në Bashkinë e Tiranës. Burime bëjnë me dije se Rama është takuar me 5 nënkryetarët e Bashkisë së Tiranës në një takim të shkurtër rreth 10 minuta.
Kjo është vizita e tretë e Ramës në Bashkinë e Tiranës që pas arrestimit të kryebashkiakut Erion Veliaj, nën akuzë për korrupsion dhe pastrim parash. Rama nuk e ka shkarkuar Veliajn, ndërkohë që detyrat i janë deleguar nënkryetares Anuela Ristani
5 nënkryetarët e bashkisë janë Anuela Ristani, Andi Seferi, Keti Luarasi, Jonida Halili dhe Frida Pashko. Vetëm Rama pas arrestimit të Veliajt ka thënë se do angazhohet me punët e Bashkisë, ndërsa gjatë keremtimit të 105-vjetorit të Tiranës si kryeqytet, kryeministri tha se bashkë me ekipin do jetë në Tiranë.
