Kandidati i koalicionit “Bashkë Fitojmë” për bashkinë e Vorës në zgjedhjet e 14 majit, Indrit Hoxha, ka marrë pjesë ditën e sotme në protestën e banorëve të Bërxullës.
Nga atje Hoxha ka deklaruar se banorët e kësaj zone nuk janë kundër zhvillimit, por kërkojnë vetëm dëmshpërblim të drejtë për pronat e tyre.
Sipas tij ka një vendim të gjykatës Kushtetuese që rrëzon VKM-në e Ramës për atë që Hoxha e cilësoi si grabitje që po u bëhet këtyre banorëve.
“Banorët nuk janë kundër zhvillimit, duan shpërblim të drejtë. Ka një vendim të gjykatës Kushtetuese që rrëzon VKM-në e Ramës për këtë grabitje që po bëhet ndaj banorëve. E gjithë opozita shqiptare do japë mbështetjen politike dhe ligjore që banorët të marrin atë që u takon. Janë prona që është derdhur djersë dhe mund. I bëj thirrje të gjithë qytetarëve të Vorës dhe zonave përreth të vijnë në mbështetje të banorëve këtu dhe të ndalojmë këtë grabtije që po bëhet për interes të Edi Ramës dhe Erion Velisë e kukullës që kanë në drejtim të bashkisë së Vorës”, deklaroi ai.
