Kryetari i PD, Sali Berisha foli me emra kur përmendi ata që sipas tij kanë kryer krime elektorale në të shkuarën në Shqipëri.
Gjatë konferencës për shtyp nga selia blu, Berisha tha se do të ketë zero tolerancë ndaj segmenteve të krimit që janë përfshirë në të kaluarën në fushatën elektorale.
Berisha përmendi Suel Çelën, i shpallur në kërkim nga SPAK, Altin Hajrin gjithashtu, Bajrët, Pojën dhe Pëllumb Gjokën i arrestuar nga metamorfoza.
“Ta harrojë, mbi ta do të rëndojë i tmerrshëm krimi elektoral, ta mbajnë mend mirë. Përveç krimeve të tjera, vepra më e rëndë kriminale, pas vrasjes do u konsiderohet krimi elektoral. Kjo është pra, ne do i presim ato burime”, u shpreh Berisha.
Sali Berisha: A e dini ju kush është mëkëmbësja e Ramës për lejet dhe për projektet. Ajo është zonja Rroko. Motra e dy lejtnantëve të Suel Çelës. Faktikisht lejet e ndërtimit dhe projektet i menaxhon Edi Rama me Suel Çelën. Kjo është e vërteta. Zero tolerancë ndaj krimit të organizuar. Zero tolerancë. Ata do të kenë atë fat që kanë pasur bandat në vitet 2005-2013. Sot ata janë të lirë, sot Suel Çela bën ligjin në lagjen e tij. E di e gjithë Elbasanit përveç ky Proda, ‘Matrixi’ i policisë dhe Dumani i Skapit, që nuk e dinë se ku ndodhet ai. Ai është i lirë. Altin Hajri është i lirë dhe kërcënon njerëzit rrugëve. Troplini drejton defakto portin dhe lojërat. Po e mbush Durrësin në të 4-anët me lojëra fati, që ndan të ardhurat me PS-në dhe Edi Ramën. Bajrët po shndërrohen në një bankomat për shpërndarjen e narkoeurove sipas ligjit të bandës. Pëllumb Gjoka nga qelia drejton banditët e tij në Velipojë.
Ta harrojë, mbi ta do të rëndojë i tmerrshëm krimi elektoral, ta mbajnë mend mirë. Përveç krimeve të tjera, vepra më e rëndë kriminale, pas vrasjes do u konsiderohet krimi elektoral. Kjo është pra, ne do i presim ato burime. Si mundet të përballen njerëzit me rroga më të ulëta, me çmimet më të larta për strehimin, me çmimet më të larta për ushqimet. Ky është një mekanizëm i spastrimit etnik të këtij populli nga ky regjim që bazohet mbi krimin, vjedhjen e tyre.
