I ftuar në emisionin “Pardon My French”, ish-banori i Big Brother VIP, Vserlo, ka ndarë më shumë detaje nga përvojat e tij brenda shtëpisë dhe ka shpjeguar gjithçka që ka ndodhur pas publikimit të videos që ka shkaktuar polemika gjatë kohës që ai ishte në BBV.
Ndërkohë që po diskutonin për ngjarjet e fundit nga “Prime”-i i së martës dhe debatin mes Danjas dhe Eglit, Vserlo shprehu mendimin e tij, edhe pse tha që nuk kishte pasur mundësi ta ndiqte debatin në detaje. Sidoqoftë, ai theksoi se, siç ka thënë edhe më parë brenda shtëpisë, ai është i mendimit se Egli ka nevojë për terapi.
Vserlo e komentoi këtë duke shtuar:
“Unë e kam thënë edhe brenda shtëpisë që Egli ka nevojë për terapi dhe i qëndroj kësaj. Është shumë reale, sepse ka realisht shumë nevojë për të punuar me psikologjinë e saj. Ajo është shumë e rënduar, mendoj unë. Ajo thotë që jo dhe nuk pranon që askush t’i qaset. Ne, si banorë, i jemi qasur të gjithë në një moment apo në një tjetër për t’i qëndruar afër dhe për t’i dhënë ndihmën tonë, por na ka prerë me thikë. Zgjedhja e saj gjithsesi.”
