Sekretari i Përgjithshëm i PS, Damian Gjiknuri ka komentuar shpërthimin me tritol në makinën e kreu të Grupit të Rithemelimit në Vaun e Dejës Benard Ndreca pak ditë më parë.
Në një intervistë për Euronews Albania, ai tha se ngjarja është kriminale dhe drejtësia duhet të hetojë deri në fund.
Më tej ai tha se ‘foltorja’ e Sali Berishës e ka traditë të akuzojë gjithmonë kundërshtarët, sa herë që ndodh një ngjarje.
“Organet shtetërore duhet të hetojnë, të zbardhin të vërtetën. Inkurajojmë drejtësinë që t’i shkojë deri në fund për të eliminuar çdo lloj akuze.
Akuzat ngrihet aty ku ka mistere. Foltorja berishiane e ka pasur traditë që sa herë të ndodhë një ngjarje të akuzojnë kundërshtarët, pra kjo është një psiqik e tyre politike, më pas del dhe ndonjë ngjarje që mbase dhe inskenojnë vet.
Unë mendoj se ngjarja është kriminale dhe e dënueshme, drejtësia të hetojë dhe të bëjë punën që i takon. Në Vaun e Dejës nuk kam informacion për probleme në lidhje me fushatën elektorale, gara elektorale është e fortë”- tha ai.
