Kreu i PD-së, Sali Berisha, është shprehur se hija e ish-agjentit të FBI-së Charls McGonigal, do ta ndjekë kryeministrin Edi Rama deri në ditën e fundit të jetës së tij.
Berisha e cilësoi si “skandal planetar”, ndërsa shtoi se afera e McGonigal është gjykuar nga gjykatës amerikane dhe “Rama e di që nuk është një krim që parashkruhet ai akt që ka kryer.”
Berisha: Hija e MgGonigal do ta ndjekë Edi Ramën gjer ditën e fundit të jetës së tij! Nuk i ndahet, është skandal planetar. Ndaj edhe ai, siç e shihni ka një terror të brendshëm. Ka patur probleme të njohura serioze me ekuilibrat psikologjike, por tani ka zgjedhur auto izolimin si rrugën për të mos shfaqur publikisht momentet e dezekuilibrit si ajo që i ra tavolinës.
Dihet që Edi Rama ka afera shumë të mëdha korruptive, por afera e McGonigal është e gjykuar nga gjykatës amerikane dhe Rama e di që nuk është një krim që parashkruhet ai akt që ka kryer.
