Këngëtarja Xhensila Myrtezaj, i ka bërë një dedikim të ndjerë vajzës së saj Ajka, e cila erdhi në jetë nga martesa e këngëtares me aktorin e njohur të humorit, Bes Kallaku.
Përmes disa fotove e vargjeve dedikuar Ajkës, këngëtarja ka shprehur dashurinë e madhe për të vogëlën e saj, e cila siç duket ka një ëndërr që do të arrij.
“Ka një ëndërr që vallëzon në këmbët e saj të vogla… dhe një forcë që lind çdo ditë brenda meje, falë saj”, shkruan ajo.
Xhensila ka publikuar disa foto teksa nënë e bijë vallëzojnë së bashku, duke treguar kështu edhe ëndrrën e Ajkës për t’u bërë në të ardhmen një balerinë.
“Ajo është arsyeja ime për të qëndruar e drejtë. Unë jam krahët e saj sot… që nesër të fluturojë vetë”, shkruan Xhensila në poezinë e saj dedikuar vajzës.
Poezia e plotë:
Në këtë përqafim ka më shumë se dashuri.
Ka ndjesi që nuk i zë fjala, ka fjalë që nuk i nxë zëri.
Ka një ëndërr që vallëzon në këmbët e saj të vogla…
dhe një forcë që lind çdo ditë brenda meje, falë saj.
Ajo është arsyeja ime për të qëndruar e drejtë.
Unë jam krahët e saj sot… që nesër të fluturojë vetë.
Kujtojmë se tashmë Xhensila është një nënë single, pasi u divorcua zyrtarisht nga Bes Kallaku, me të cilin ka dy fëmijë, Ajkën dhe Amenin, i cili erdhi në jetë pak muaj pasi çifti t’i jepte fund lidhjes dhe martesës disa vjeçare.
Në një intervistë ajo u shpreh se arsyeja për këtë ndarje u bë mos komunikimi me aktorin e njohur.
“Ka vite që po mundoheshim të sistemonin lidhjen tonë. Kriza ka çdo çift në marrëdhënie. Unë mendoj se në çdo marrëdhënie kur fjalët dhe veprat nuk përputhen, kur mbizotërojnë debatet dhe bëhet toksike për mua, fëmijët dhe për të, vendimi do duhej të merrej dhe e mora”, u shpreh ajo.
“Në çift duhet bashkëpunim. Kërkohet punë nga të dy partnerët. Kam kuptuar se nuk duhet të luftojë vetëm njëra palë. Çdo ditë që kalonte kuptoja që po thyhej më shumë. Ndaj ishte një vendim i marrë nga unë”, u shpreh Xhensila.
