Kur flitet për Superioren, të gjithë i frikësohen Egnatias. Kjo skuadër ka dominuar Superioren në kohët e fundit teksa edhe në këtë sezon ka krijuar shkëputje nga të tjerët. Por në kohët e fundit, rezultatet nuk kanë folur shumë për këtë ekip. I ftuar në “Max Sport” që transmetohet në “EuroNeës”, Përparim Daiu, mendon ndryshe nga gjithë të tjerët duke u shprehur se Egnatia nuk është më kaq e fortë dhe ka humbur shumë nga cilësia e sezonit të shkuar.
“Egnatia nuk ka humbur rastësisht nga Elbasani, nga Partizani. Kanë qenë ndeshje shumë të vërteta, nuk ka të bëj me tolerimet fare, Elbasani i bëri dy gola për dy minuta. E pashë në stadium edhe ndeshjen Egnatia-Skënderbeu, ishte e luftuar shumë nga të dyja ekipet, mund të fitonte edhe Skënderbeu këtë ndeshje. Për mua Egnatia nuk e ka cilësinë e vjetshme”, tha Daiu.
