Zëvendëskryeministrja, njëherësh Ministër i Infrastrukturës dhe Energjisë, Belinda Balluku inspektoi ujësjellësin e ri të Lushnjes, një investim i cili ka përmirësuar cilësinë e furnizimit me ujë të pijshëm. Ministrja tha se qytetarët do të marrin shërbim 24 orë sipas të gjitha kushteve të kërkuara dhe parametrave evropianë.
Të gjitha pompat në sistemin e pompimit janë ndërruar me eficencë energjie, gjë që çuar në reduktimin e energjisë me 35-40 përqind. Gjatë inspektimit, ministrja Balluku përmendi edhe rritjen e pagave në këtë sektor.
“Ne sot duhet t’i përgjigjemi kërkesës së tregut dhe kjo nuk i takon vetëm qeverisë por edhe çdo biznesi që operon në vend që të fillojë të integrojë këtë program të ri që kemi shpallur, gjë që duhet ta bëni edhe ju në ndërmarrjet e agreguara.
Me një menaxhim të mirë, punë edhe fitim të mirë edhe pagat të sektorit të ujësjellësit por edhe ndërmarrjet e agreguara do të kenë eficencë financiare.”, tha Balluku.
