Pavarsisht oshilacioneve, Partizani e mbylli këtë edicion me objektivin e përmbushur pjesëmarrjen në Kupat e Europës.
Edhe pse të kuqtë nuk arritën dot që të shkonin në finalen e “Final 4”, për gazetarin sportiv Fatjon Baze, sezoni i të kuqve duhet konsideruar i sukseshëm.
I ftuar në emisionin sportiv “Max Sport” në Euronews Albania, gazetari tha se ndonëse u ngritën dyshime për ecurinë pas largimeve, ndërhyrja e drejtë në kohë e presidentit me rikthimin e trajnerit Skënder Gega në një moment delikat, vulosi rikthimin dhe arritjen e objektivit europian.
“Në këndvështrimin tim, klubi i Partizanit mbyll një sezon të sukseshëm. Kjo për faktin se presidenti i klubit Gaz Demi ka dal i fitur, duke shitur për një shifër rekord titullarët kryesorë të ekipit në merkaton e janarit si Hadrojn, Carën, Rrapajn, dhe MBA.
Disa shitje që kanë sjell të ardhura të majme për klubin, pasi ndodhin për herë të në Superiore shitje të tilla dhe të sukseshme në një merkato janari.
Ky fund tregoi se pavarsisht se të gjithë ishin skeptik se Partizani nuk do arrinte “Final 4”, ishte sërish ndërhyrja e presidentit Demi që vuri veton duke afruar në ekip në një moment shumë delikat trajnerin Skënder Gega dhe në fund rezultoi një sukses duke arritur objektivin pjesëmarrjen në Kupat e Europës”, u shpreh gazetari sportiv Fatjon Baze.
