Seanca gjyqësore ndaj deputetit demokrat Asllan Dogjani, i akuzuar nga SPAK për fshehje të pasurisë, është shtyrë.
Shkak për shtyrjen e gjyqit u bë kërkesa e vetë deputetit, i cili ka deklaruar se është aktualisht i angazhuar me procesin e rinumërimit të votave për zgjedhjet vendore të 11 majit.
Gjyqi ishte parashikuar të mbahej këtë të hënë në Gjykatën e Posaçme kundër Korrupsionit dhe Krimit të Organizuar, por avokatët e Dogjanit depozituan një kërkesë për shtyrje për arsye të angazhimit institucional të klientit të tyre si përfaqësues në procesin zgjedhor.
