Si pjesë e Programit Kombëtar të Strehimit Social, 1,253 familje në nevojë do të përfitojnë nga projektet për përmirësimin e banesave dhe infrastrukturës, në 35 bashki në të gjithë vendin.
Lajmi është bërë i ditur edhe nga Ministri i Ekonomisë, Kulturës dhe Inovacionit, Blendi Gonxhja i cili njoftoi se ky është angazhimi më i madh deri tani në këtë drejtim.
Me një financim prej rreth 1 miliard lekësh nga buxheti i shtetit, projektet synojnë të përmirësojnë kushtet e jetesës për komunitete të varfra dhe të pafavorizuara. Zbatimi nis në korrik-gusht 2025 dhe do të zgjasë për dy vite, duke përfshirë ndërhyrje në banesa ekzistuese dhe infrastrukturë të zonave rurale dhe informale, si rrugë, ujësjellës, kanalizime etj.
Ministri e cilësoi këtë si një hap të rëndësishëm për jetesë më të denjë dhe akses më të mirë në shërbime jetike për mijëra qytetarë.
Postimi i ministrit Blendi Gonxhja:
Si asnjëherë më parë, 1,253 familje në 35 bashki përfitojnë nga Programi Kombëtar i Strehimit Social! Me një vlerë financimi prej rreth 1 miliardë lekë nga buxheti i shtetit, ky projekt do të adresojë nevojat për përmirësimin e kushteve të banimit për 1,253 familje në nevojë në të gjithë vendin. Zbatimi nis në korrik-gusht 2025 dhe zgjat për dy vite. Një hap konkret drejt kushteve më të denja jetese për familjet në nevojë, përmirësim banesash, infrastrukturë rurale dhe akses më i mirë në shërbime jetike
