Aksi rrugor Qukës – Qafë Plloçë, është hapur sot zyrtarisht për qarkullimin e automjeteve. Në ceremoninë përurimit mori pjesë Kryeministri Edi Rama dhe përfaqësues të pushtetit vendor dhe qytetarë të zonës.
Kryeministri Rama nënvizoi sfidat e shumta të ndërtimit dhe theksoi se: “S’e kam harruar diskutimin që kemi bërë atëherë kur e morëm në trashëgimi këtë projekt që kishte nisur pa projekt, që ishte tmerr dhe që Niko thoshte se kjo duhej bërë patjetër.
Është projekti më i gjatë, më i stërmundimshëm, më i ngatërruar për shkak se u nis mbrapsht. Edhe tani është gjë e madhe që mbaroi, edhe që edhe njerëzit e zonës, për të cilët është fitore e madhe, çlirim i madh, po edhe gjithë kjo zonë e Shqipërisë e ka në dispozicion edhe do të marrë gjithë përfitimet që sjell. Po është një çlirim shumë i madh. Dukej sikur s’do mbaronte kurrë”, – u shpreh Rama.
Aksi Qukës – Qafë Plloçë është pjesë e Korridorit 8, një arterie që lidh Shqipërinë me vendet fqinje.
