Kryesocialisti Edi Rama këtë të hënë nga Korça është shprehur se demokratët braktisën hijet e së shkuarës.
Rama ka falenderuar të gjithë të djathtët që i kanë dhënë votën socialistëve dhe ato të djathtë që zgjodhën më mirë të rrinin në shtëpi sesa të votojnë të shkuarën.
Sipas tij fitorja e 14 majit është si një borxh që ato duhet tu kthejnë të gjithë votuesve.
“Nëse shikoni votat e kundërshtarëve do të kuptoni se ato janë braktisur nga mbështetësit e tyre dhe një pjesë nga votuesit e tjerë kanë qëndruar në shtëpi dhe nuk kanë dashur që ta ndyejnë dorën, duke e vendosur shenjën e votës në një kuti që është kuti turpi, i falenderoj ato të djathtë që votuan për ne dhe ato që nuk kanë dalë në votim, pasi janë sjellë si patriot duke braktisur hijet e së shkuarës, aty ku vendin e kanë vetëm ato. Por si kthehet ky borxh? Ne e dimë që nuk ka një familje që çdo gjë që secili prej anëtarëve të familjes do mund të plotësohet, por njëlloj si familja është edhe një organizatë e vogël ose e madhe edhe në shtetin më të pasur të botës në SHBA nuk plotësohen dhe nuk zgjidhen të gjithë problemet, sepse e tillë është edhe natyra njerëzore. Për ta vlerësuar besimin e njerëzve ka një gjë që mund të plotësohet dhe përmbushet 100%”, ka thënë Rama.
