Prokuroria e Posaçme, SPAK ka kërkuar burim të përjetshëm për të riun nga Fushë-Kruja, Redjan Rrajën pas akuzave të rënda të vëna nga prokuroria, si i përfshirë në atentatin ndaj ish-prokurorit Arjan Ndoja në bashkëpunim me dy persona të tjerë.
SPAK kërkon dënim të përjetshëm për Rrajën nën akuzën se ky i fundit është ekzekutor në atentatin ndaj ish prokurorit, ndërsa ka kërkuar 35 vite burg për Arjol Halilaj si ndihmësi i cili e la larguar këtë të fundit pas ngjarjes.
Kujtojmë se atentati ka ndodhur më 1 nëntor të vitit 2019, ku ish prokurori Arjan Ndoja së bashku me dy të tjerë ishte duke drekuar në zonën e plazhit në Durrës dhe më pas u nisën mbi zonën e mbikalimit të Shkozetit, ku dhe u qëlluan nga një makinë Benz, në ecje, ku dyshohet se ka qenë brenda Redjan Rraja. Viktimë në këtë atentat mbeti, shoferi i ish-prokurorit, Andi Maloku.
Pas ngjarjes, Rraja u arrestua teksa tentoi të largohej nga vendi në drejtim të Malit të Zi dhe i pyetur lidhur me atentatin ai mohonte akuzat si organizator.
