Kandidati i koalicionit ” Bashkë Fitojmë” për Bashkinë Kuçovë, Lefter Maliqi ka reaguar me një status në rrjetin e tij social për vendimin e marrë sot nga Kolegji Zgjedhor i cili ka vendosur të marrë në shqyrtim të gjitha pretendimet e ngritura nga kandidati Maliqi.
Ai thekson qe kjo ishte fitorja e parë dhe jo e fundit derisa Bashkinë Kuçovë ta kthejë në dorë të qytetarëve, dhe të ndaloj abuzimet që bëhen në këtë bashki.
“Drejtesia funksionoi!
Sot fituam ‘Betejën e Parë’, në Kolegjin Zgjedhor, kundër KAS pranë KQZ me votë unanime ku u detyrua KAS pran KQZ që të marrin në Shqyrtim të gjitha pretendimet tona duke filluar nga fallsifikimet,shperdorimi i detyres,rinumerim,pavlefshmeri etjMirënjohje Trupit Gjykues të Kolegjit Zgjedhot të përbërë nga 5 gjyqtarë profesionistë dhe te paanshëm! Mirënjohje dhe Avokatëve në kembënguljen dhe mbrojtjen e tyre! Beteja ligjore vazhdon deri në kthimin e Bashkisë Kuçovë banorëve. Oligarku Pëllumb Hajdari nuk arriti dot të korruptonte Kolegjin siç ka korruptuar institucionet e tjera. E drejta do të fitojë! S’ka kthim pas! Kuçova patjetër “Kantier Ndërtimi” shumë shpejt”, reagoi Maliqi.
