Në vijim të vizitës zyrtare në Stokholm, Kryetarja e Kuvendit, znj. Lindita Nikolla, e shoqëruar nga Kryetarja e Komisionit të Ligjeve Klotilda Bushka dhe Zëvedëskryetarja Dhurata Çupi, u takua me drejtuesit e Bordit të Barazisë Gjinore në Parlamentin e Suedisë, Zëvendëskryetarin e Parë, z. Kenneth G. Forslund, Zëvendëskryetaren e dytë, znj. Julia Kronlid, dhe znj. Lotta Johnsson Fornarve, deputete, ish Zëvendëskryetare.
Gjatë takimit u diskutua për pjesëmarrjen e grave në politikë, parlament, ekonomi dhe jetën sociale si edhe për harmonizimin e jetës profesionale dhe institucionale të grave parlamentare me jetën familjare.
“Shqipëria dhe Suedia kanë arritje të rëndësishme në pjesëmarrjen e grave në politikë dhe shkëmbimi i përvojave nxit dhe avancon këto arritje”, theksoi Kryetarja Nikolla.
