Jennifer Lopez dhe Ben Affleck morën pjesë në premierën e filmit superhero të DC ‘The Flash’, ku pozuan të përqafuar në tapetin e kuq.
Dyshja ndanë puthje dhe përqafime në premierën e filmit të ri të Affleck, The Flash në Los Anxhelos. Këngëtarja 53-vjeçare dhe aktori 50-vjeçar ndanë një puthje me fotografët në eventin e mbajtur në Ovation Hollywood.
Ylli mahniti me një fustan me zinxhir dy ngjyrash, i cili zbuloi dekoltenë e saj, ndërsa aktori fitues i çmimit Oscar kishte veshur një kostum klasik të zi.
Affleck ripërsërit rolin e tij si Batman në filmin e ri, në të cilin Ezra Miller luan heroin me të njëjtin emër.
Sipas përmbledhjes së filmit: “Botët përplasen në ‘The Flash’ kur Barry përdor superfuqitë e tij për të udhëtuar pas në kohë për të ndryshuar ngjarjet e së kaluarës. Por kur përpjekja e tij për të shpëtuar familjen e tij ndryshon aksidentalisht të ardhmen, Parry është bllokuar në një realitet në të cilin gjenerali Zod është rikthyer, duke kërcënuar njerëzimin me asgjësim dhe nuk ka superheronj për t’u drejtuar për ndihmë.”
Në rolet kryesore, ndër të tjera, Michael Keaton, Ben ‘Affleck, Michael Shannon, Sasha Cale, Kiersey Clemons dhe Ron Livingston.
Filmi Flash pritet të dalë ekskluzivisht në kinema të premten, më 16 qershor. Gjithashtu, projekti i radhës i dy yjeve do t’i shohë ata të punojnë së bashku, pasi Lopez do të luajë në filmin Unstoppable, të cilin Affleck është producent.
