Shiritin që iu vendos në krah e nderoi dhe zbuloi veten si lider.
Tani Lautaro Martinez është i destinuar të jetë zyrtarisht kapiteni i ri i Interit, në atë që është vetëm hapi i fundit në ngjitjen në hierarki të argjentinasit. Me lamtumirën e mundshme të Handanoviçit, D’Ambrozios dhe Brozoviçit, 25-vjeçari pritet të jetë kapiteni i skuadrës pas më shumë se 230 paraqitjeve dhe 100 golave.
LUHATJET – Imazhet e fundit të Lautaros janë pasimi i munguar për Lukakun ndaj Mançester Sitit dhe lotët pas disfatës së Stambollit. “Demi” është ndër ata që ka shfaqur me zikaltrit të gjitha dimensionet e tij, nga disa ndeshje radhazi pa shënuar që në vitet e para në Milano ishin të zakonshme në paraqitjet e tij si sulmues i klasit botëror. Sulmuesi gjeti vazhdimësinë dhe shënoi një gol në eurodebrin që vlejti gjysmëfinalet, nga i cili simbol është festimi i tij në tribunë, ashtu si trishtimi dhe lotët e Stambollit, që ishin të të gjithë tifozëve zikaltër, të cilët gjetën veten tek idhulli i tyre.
EVOLUCIONI – Rritja e Lautaros ka qenë konstante. Ai filloi si rezervë e Ikardit me Spaletin në pankinë, përpara se të kompozonte “LuLa”-në me Lukakun nën drejtimin e Kontes. Lautaro dikur ishte krahu ku mbështetej belgu, tani raporti i fuqive është përmbysur. Për shkak se Romelu u largua për të shkuar në Londër, “demi” (i cili u kërkua nga Barcelona, por nuk u transferua) e gjeti veten si pyka kryesore e skuadrës. Në verën e vitit 2021, Lautaro i shtoi palmaresit të tij edhe Kupën e Amerikës me kombëtaren duke e shndërruar dalëngadalë figurën e tij në një prej sulmuesve më të mirë ndërkombëtarë. As rikthimi i Romelut nuk ndryshoi diçka në hierarkinë e repartit, me argjentinasin që i shtoi trofeun më të lakmuar palmaresit të tij, Kupën e Botës dhe e shfaqi gjithë fuqinë e tij si kampion bote në pjesën e dytë të sezonit me Interin, kur mbërritën në një Superkupë Italie, një Kupë Italie dhe në finalen e Champions League.
ORIGJINA- Ka pasur një sërë pjesësazh të vogla që kanë formuar mozaikun e kapitenit Lautaro, më saktë kapitenit në perspektivë. Gjithçka ka nisur në Bahia Blanca, te Liniers, ku preu flokët në mënyrë absurde, sepse ky ishte rituali për ata që debutonin në ekipin e parë. Rejsin nuk mendoi dy herë për ta marrë sulmuesin dhe e la të largohej atë më pas tek Interi, që u hodh në sulm si pasojë e sugjerimit të njëfarë Diego Milito. Erdhi në heshtje në Milano, por tani ulëret, por edhe qan. Futbolli është i tillë. Një makineri emocionesh, e ushqyer nga performancat dhe golat, që legjitimuan Lautaron si kapiten.
