Katër klubet e Kategorisë Superiore nisin javën e ardhshme rrugëtimin e tyre në Kupat e Europës. Partizani luan në turin e parë të Ligës së Kampioneve ndërsa Tirana, Egnatia dhe Vllaznia do të luajnë ndeshjet e tyre në Ligën e Konferencës.
Për tifozët e këtyre skuadrave ky është një moment i shumëpritur, pasi do të shohin ekipet e tyre në arenën ndërkombëtare dhe pritet të ketë interesim të madh në stadiume për sfidat. Por për të gjithë ata që nuk mund t’i ndjekin në stadium, do të mund të shohin të paktën një pjesë të ndeshjeve në ekranet e televizionit.
Televizioni “MCN” ka bërë të ditur se 5 nga ndeshjet që luhen në dy javët e ardhshne në turin e parë të turneut, do të transmetohen live nga ky televizion. Nëpërmjet një postimi në rrjetet sociale, televizioni bëri të ditur se do të transmetojë të dy sfidat e Partizanit ndaj BATE Borisov, të dy sfidat e Egnatias ndaj Ararat Armenia si dhe duelin e parë të Tiranës ndaj Dinamo Batumi.
SFIDAT QË TRANSMETOHEN NË MCN TV:
11 korrik
Partizani-BATE Borisov 20:45
13 korrik
Ararat Armenia-Egnatia 17:00
Tirana-Dinamo Batumi 20:00
18 korrik
BATE Borisov-Partizani
20 korrik
Egnatia-Ararat Armenia 20:00
