26 prokurorë të rinj do të bëhen pjesë e sistemit gjyqësor, duke filluar nga nesër. Ata u betuan sot përpara ministrit të Drejtësisë, drejtuesit të Këshillit të Lartë të Prokurorisë dhe prokurorit të Përgjithshëm.
Ky i fundit vuri në dukje momentin kaotik në të cilin gjendet drejtësia aktualisht për shkak të numrit të lartë të dosjeve, që presin në radhë për tu hetuar e gjykuar.
Ministri i Drejtësisë, Ulsi Manja, nënvizoi se secili prej tyre tashmë është i ngarkuar me barrën e provës.
Shumica e magjistratëve të rinj, që u bënë pjesë e drejtësisë do të punojnë në gjykatat e rretheve.
